嚐囍煲仔小菜

营业中

休息中

今朝去食尝囍点心，实在系西环街坊恩物，抵食夹大件。点咗萝卜糕、叉烧肠、烧卖、牛栢叶、金钱肚、棉花鸡等常见点心。当中以棉花鸡的鱼肚最推介，食过咁多间，呢间最弹牙和足料。不过服务……实在……不敢恭维。小弟不期望响街坊点心店有好周到的服务，只希望叫嘅点心可以快啲到，如果漏单，快啲跟。但系今朝佢地漏咗碟金钱肚，等咗近半个钟，追咗不同店员四次，冇乜边个有反应，亦冇一个有好好咁跟单。最后我要行出去追单，终于见到柜面出现一碟金钱肚，等到店员拎过嚟，已经距离落单成一个钟，即系等于碟金钱肚等咗一个钟……但店员发老脾：「等一阵都唔得！」发一位等咗点心一个钟嘅客老脾，本来几好味嘅一餐，变成食龙肉都无味。