飲茶 (已結業)

之前见报导介绍过有得意点心即刻黎试下，餐厅名仲特登叫「Yum Cha」够晒玩味～最吸引大家视线嘅一定系呢个流沙包睇住流奶同吉川奶子，一个系奶黄另一个系绿茶，个包外皮好软熟而流沙部分好热，所以大家记得咬𠮶阵小心Ｄ～两个比较之下绿茶包味道相对淡，但都系好好食！除左有呢两款可爱包之外，仲有一笼八戒（叉烧包），叉烧馅好甜Ｄ肉又够「林」同埋狗不理肠（肠仔包），不过我觉得同普通肠仔包无太大分别～呢度我最欣赏嘅系佢每碟菜都好用心设计，好似龙须芥兰咁，一条菜都切到咁靓，调味又恰到好处，食落劲爽脆！而香菜豆腐就够晒滑，唔用匙更食唔到～～仲有个苹果批同棉花糖布甸，无谂过饮茶嘅地方都可以食到呢Ｄ咁特色嘅食物，会唔会太靓啊？呢度真系可以同屋企人，特别系小朋友食，佢地一定好开心!