利寶閣 (已結業)

星期日近近地去咗观塘鳄鱼恤人同屋企人饮茶，全幢大厦都系酒楼，今次去咗顶层9楼嘅利宝阁食点心放题。.好快就可以入坐，坐底就可以点自己想食嘅嘢，选择种类好多。每位都包左原只鲍鱼酥同花胶灌汤饺一份，点心仲可以逐件叫，唔使成笼点，钟意食几多先叫几多。.点心选择好多，叫左虾饺、鹌𪂹蛋烧卖、芋蓉蜂巢、沙律虾春卷、雪山叉烧包、抹茶包、流沙包、牛肚、鸡脚。 特别小小嘅有榴梿系列，叫咗榴梿酥同榴梿。另外甜品点咗杨枝甘露、红枣糕同雪糕脆麻花。.鲍鱼酥同灌汤饺都唔错，而虾饺、芋蓉蜂巢同榴梿酥最出色，芋蓉够香，外面又炸到脆卜卜；榴梿酥内嘅榴梿蓉多到爆馅。其他点心不过不失。不过明显甜品就最弱，除咗杨枝甘露其他个两款都唔好食。.$168加茶芥加一，大约$200一个。虽然系点心放题，不过其实食多几件都好易滞，翻唔翻到本就见仁见智，好睇你食到几多🙊，不过叫做过吓心瘾，满足猎奇心态😆。