影片
更多
2024-06-05
1449 浏览
我喺openrice买餐饮券嘅，星期一至五就$88一位成人（星期二可以扣双倍指定银行信用卡积分，最多可以扣$50），两位起。长者小童就平$10。星期六日餐饮券成人就$118。要早一日买券同whatsapp去预订，到现场入场前要每人用现金畀$21茶钱同加一。佢写住分两个时段1130至1300、1330至1500，但其实随时入场起钟计90分钟，一入场会有张卡仔手写住食到几点。佐敦地铁站行过去都好近，闲日1130大约七、八成满，虽然坐唔满，但餐厅安排两位嘅客人要搭枱坐四人枱，中间用胶板隔住。虾饺、烧卖、牛肉、包类、肠粉、春卷、甜品都系写点心纸，每次最多十款，多过十款就要写过另外一张。即叫即蒸，出菜都算快，亦都冇漏单扣单。虾饺正常酒楼水准，烧卖就食到怪味，唔推荐。肠粉就好爽滑，畀好多酒楼都做得好。另外自助大排档区都有好多食物选择，个人觉得质素畀落点心纸嘅点心仲高，仲要唔使等。有个姐姐会用个煎pan仔即煎萝卜糕、煎酿三宝、鲜虾腐皮卷同粟米墨鱼饼，好有旧式酒楼𠮶个煎肠粉档feel。而且真系每次煎少量，姐姐又好用心煎，全部经佢手嘅出品都好香脆，唔会有油益味。自助炸物就有炸豆腐、炸多春鱼、炸白饭鱼、炸
佐敦地铁站行过去都好近，闲日1130大约七、八成满，虽然坐唔满，但餐厅安排两位嘅客人要搭枱坐四人枱，中间用胶板隔住。
虾饺、烧卖、牛肉、包类、肠粉、春卷、甜品都系写点心纸，每次最多十款，多过十款就要写过另外一张。即叫即蒸，出菜都算快，亦都冇漏单扣单。虾饺正常酒楼水准，烧卖就食到怪味，唔推荐。肠粉就好爽滑，畀好多酒楼都做得好。
另外自助大排档区都有好多食物选择，个人觉得质素畀落点心纸嘅点心仲高，仲要唔使等。有个姐姐会用个煎pan仔即煎萝卜糕、煎酿三宝、鲜虾腐皮卷同粟米墨鱼饼，好有旧式酒楼𠮶个煎肠粉档feel。而且真系每次煎少量，姐姐又好用心煎，全部经佢手嘅出品都好香脆，唔会有油益味。
自助炸物就有炸豆腐、炸多春鱼、炸白饭鱼、炸云吞、炸煎堆，供应不绝，用个保温灯照住。特别推介炸云吞，好大只虾，质素仲好过平时酒楼。其他炸物都唔差。
旁边有啲凉菜，云耳、青瓜、口水鸡、酸斋。再旁边有咖哩鱼蛋、猪红、鱼肉烧卖、黑糖茶。转角有各自助酱料区，各款需要嘅酱料都齐哂，当中包括古早味甜酱。在转湾有一系列嘅热盘：凤爪、猪手、榄角四季豆、碗仔翅、生菜鱼肉、菜干猪骨粥、云吞、娃娃菜、炒面，其实真系好多嘢食，一定食得饱。仲有饮品柜，有汽水、包装果汁同狮威任饮。
90分钟都够时间食，服务都唔错，侍应上菜同收碟都好快。
张贴