點一龍 (海港城) (已結業)

今日同几个朋友去尖沙咀行街，谂咗好耐都谂唔到食乜，咁啱见到呢一间装修好靓嘅餐厅，原来系一间食中式点心嘅铺头，见佢点心嘅选择都好多，所以决定试一试。点心纸有即蒸点心、炸物、蒸饭、汤面、肠粉、粥 同埋甜点，食点心当然要食虾饺烧卖，凤爪排骨！全部点心嘅水准都比平时喺酒楼食到嘅高，而且仲系即叫即蒸，食落果然系唔同啲。肠粉、蒸饭，粥等等嘅饱肚嘢，质素亦都唔错，多人嚟食可以每样叫啲一齐share！甜点方面，我会推介杨枝甘露，啲西柚同芒果都好新鲜。当然其他酒楼甜点例如红枣桂花糕、芝麻卷同奶黄包等等亦都唔错 。日式放题平时就食得多啦，得闲试下中式放题感觉都 几特别，唔使好似平时饮茶咁，钟意食都要就住就住叫！