御名園

营业中

休息中

好耐无试过放假去饮茶，见天气热又唔想系屋企长开冷气，去饮茶又系第一个唔错嘅选择。我地拣左点心放题，有90分钟任食点心，大约有30-40选款式俾大家去拣。鲜味虾饺皇和蟹米烧卖皇两者入口都啖啖肉，鲜味虾饺皇每件都有细鲍鱼仔，味道更丰富。蚝皇流汁叉烧包这个相当有惊喜，唔似一般酒楼的叉烧包，通常面包会偏硬，但依个入口劲软熟，多汁之余，肴料十足。车打芝士虾长春卷入口相当香脆，而且每啖都食到淡淡芝士香味。椒盐鱿鱼须和一口豆腐粒，份量为2人份，外脆内嫰。四川香辣金钱肚一上枱已经嗅到香味，金钱肚挂汁力够强，带一点辣，够晒惹味。烧鹅濑粉，对任食黎讲，小小的一碗就最岩，但烧鹅的份量十足，皮脆肉嫰。甜品点左中式甜品，有姜汁千层糕和干清枣皇糕，即点即蒸，新鲜热辣，个人最钟意干清枣皇糕，口感绵密。