籠太子點心專門店 (已結業)

环境4分：高级茶记格局，地方好光鲜，可以畀四分。卫生4分：Ｄ碗碗碟碟畀你自己冲多次，枱上面Ｄ调味料都好整齐同唔会黐立立，卫生一样可以畀四分。服务5分：一页餐牌纸简单易明。店员态度好，熟手又好记性，落单换碟加酒够爽手，满分。味道4分：1)     笼太子虾饺皇Ｄ虾够多，爽口弹牙，本身够晒味。2)     鲜虾烧卖皇松身爽甜唔油腻。3)     多汁小笼包真系好多汁，个猪肉馅好嫩好软熟。4)      不是炸两放响长碟上，入面包住脆皮春卷，又淋又爽。5)     蒜香虾春卷个黄金皮好香脆，入面又好鲜甜。6)      是日油菜系菜心，份量都几足够。7)      黑椒金钱肚好淋好香辣野味，下面Ｄ乌冬都索晒黑椒味。抵食4分：D点心平过去茶楼饮茶，食点心嘅地方竟然有啤酒卖，忍唔住都饮多罐。