籠太子點心專門店 (已結業)

今日去咗筲箕湾嘅东大街，好多嘢食，拣咗一间食点心嘅。试咗个原只鲍鱼烧卖，鲍鱼比我想像中大㖞，蟹子份量都唔少。再叫咗瑶柱灌汤饺，系我去酒楼必食咖啦，灌汤饺足料，加红醋食仲正。晚餐有啲饭都好嘅，好彩佢哋有蒸饭，拣咗北菇滑鸡饭，冬菇肥美，鸡柔嫩。今晚好幸福，拣咗几个甜点。椰汁桂花糕，桂花清凉椰子味香。香芒沙律盏，造型抢眼，以芒果酱点缀水果沙律。海皇芝士千丝卷，炸得金黄色，香口松脆，芝士味突出。其实仲想试多几样，但眼阔肚窄，唯有下次啦。