影片
更多
2023-06-02
1488 浏览
天气真系好热，尖沙咀揾个地方可以坐耐啲食个下午茶叹吓冷气，决定走落去弥敦道间顶好。门口唔系好觉眼，要落几级楼梯级先至到。由于系下昼2:30所以唔算多人，坐落静静地都几舒服。叫咗两个顶点：虾饺+烧卖；中点：潮州粉果+牛肉球+叉烧包+咸水角。下午茶时段点心有少少优惠。咸水角好松化、叉烧包都几大个，都可以讲系皮薄馅料多、潮州粉果，韭菜好香花生肉好脆、牛肉球个喼汁好似有啲咸、虾饺多咗少少胡椒粉，减番啲会好啲、烧卖好弹牙好好食。坐咗两个钟，伙计冇催我哋走，唔话得。埋单时仲送咗碗绿豆沙俾我哋食。谂住送都唔慌有咩特别，又估唔到，绿豆沙入面有臭草，非常香。下午茶时段都有糖水送真系好！
咸水角好松化、叉烧包都几大个，都可以讲系皮薄馅料多、潮州粉果，韭菜好香花生肉好脆、牛肉球个喼汁好似有啲咸、虾饺多咗少少胡椒粉，减番啲会好啲、烧卖好弹牙好好食。
坐咗两个钟，伙计冇催我哋走，唔话得。埋单时仲送咗碗绿豆沙俾我哋食。谂住送都唔慌有咩特别，又估唔到，绿豆沙入面有臭草，非常香。下午茶时段都有糖水送真系好！
22 浏览
1 赞好
0 留言
张贴
