影片
更多
2019-04-22
257 浏览
复活节假期的最后一日。训醒想食点心，所以同太太去咗区内呢间食评唔错的点心店。店内食客很多，但我地被安排坐系单边二人位。我地总共叫咗 5 样点心：1. 黑椒金钱肚 ($24)- 有白萝卜o系底，味道够浓，但牛肚有点硬 2. 原汁蜜味叉烧包 ($19) - 够热，够味，内有少量肥猪肉 3. 鲜虾野菌春卷 ($21) - 虾味普通，野菌不多，但油份太多! (春卷舖底的白色牛油纸已变为透明。我再用纸巾帮春卷吸油，但食落仲系好油腻) 4. 农埸蛋牛肉饭 ($26) - 蛋煎得过熟，牛肉味道一般 5. 鲜虾菜苗饺 ($24) - 太太食咗一粒，话味道偏淡。所以我问侍应拎咗辣椒油我夹起一只菜苗饺，先点辣椒油，再咬一半。Oh my god! 我竟然见到一条头发! 我先将半粒有头发的菜苗饺放系自己碗里，再映相，方便写食评。然后叫一个男侍应过来，同佢讲菜苗饺有头发，叫佢取消呢款点心。再叫多一样点心，鲜竹卷。男侍应将最后一粒菜苗饺拎走后，好快就有另一个女侍应走过来，话同我换碟，将我o既碗碟，连同果半粒有头发o既菜苗饺收走咗。但我坐多2 分钟，感觉点心有头发，非常恶心。所以决定取消鲜竹卷。另一位店员(全埸得
店内食客很多，但我地被安排坐系单边二人位。我地总共叫咗 5 样点心：
1. 黑椒金钱肚 ($24)- 有白萝卜o系底，味道够浓，但牛肚有点硬 [整体不错]
2. 原汁蜜味叉烧包 ($19) - 够热，够味，内有少量肥猪肉 [整体不错]
3. 鲜虾野菌春卷 ($21) - 虾味普通，野菌不多，但油份太多! (春卷舖底的白色牛油纸已变为透明。我再用纸巾帮春卷吸油，但食落仲系好油腻) [除咗油份超级多，整体不错]
4. 农埸蛋牛肉饭 ($26) - 蛋煎得过熟，牛肉味道一般 [整体一般]
5. 鲜虾菜苗饺 ($24) - 太太食咗一粒，话味道偏淡。所以我问侍应拎咗辣椒油
我夹起一只菜苗饺，先点辣椒油，再咬一半。Oh my god! 我竟然见到一条头发! 我先将半粒有头发的菜苗饺放系自己碗里，再映相，方便写食评。然后叫一个男侍应过来，同佢讲菜苗饺有头发，叫佢取消呢款点心。再叫多一样点心，鲜竹卷。男侍应将最后一粒菜苗饺拎走后，好快就有另一个女侍应走过来，话同我换碟，将我o既碗碟，连同果半粒有头发o既菜苗饺收走咗。
但我坐多2 分钟，感觉点心有头发，非常恶心。所以决定取消鲜竹卷。另一位店员(全埸得佢一个著黑衫，应该系部长)话点心已经蒸紧，唔可以取消。我话因为菜苗饺有头发，鲜竹卷都唔想食了。佢继续话:「你都味食，你点知呢样会有问题」。我同黑衫职员大声理论咗几句。可能因为我讲野大声，好多食客都望住我，所以最后店舖都帮我取消咗鲜竹卷。
我觉得作为食店，食物味道，系其次，而且价钱、环境和食物质素，亦系考虑因素。但最基本，同最重要，系「卫生」。另外，员工服务态度，亦系我本人选择食店，和会否再帮衬之该食店重要因素。
比起酒楼，呢间点心舖点心价钱系平Ｄ (我地埋单$100)。我亦明白今次点心有头发可能系个别事件。但佢(黑衫员工) 咁ｏ既服务态度，我已后都不会帮衬呢间功夫点心分店了。
题外话/补充资料：
我唔系想叫佢取消全单(或威胁佢话报食环署揾著数)。我只系1) 叫佢取消有问题点心，和2)取消后加点心 (因为受食咗有问题点心影响)。
(以上食记乃用户个人意见 , 并不代表OpenRice之观点。)
张贴
