影片
更多
2005-04-25
36 浏览
曾几何时，汉宝酒楼开到成行成市，龙虾卖到街知巷闻仲上埋市，当时有乜喜庆要豪一豪，一定第一时间想起汉宝及其龙虾伊面底。但事过境迁，打正以汉宝为名的就只剩土瓜湾道店同装修中o既柯士甸道汉宝皇宫，饮食业果真兢争激烈，适者生存。发完up疯，讲番正题。谂一谂都好耐冇去过饮茶，见星期日悠悠地就同女友去叹番一壶两笼。十二点上到去要等位，可见经济正在复苏中。等了十分钟左右，坐低后叫了点心如下：鲜竹卷- 好淡唔够入味，睇个色已知无乜蚝油。o的馅斋多猪肉少，莫非受最近的高危点心发布有关？凤爪- 三大只，味道不过不失，不过点解唔斩开呢？黄金流沙饱- 奶皇混合著咸蛋黄的馅，几有新意，不过有o的两头唔到岸，唔咸又唔甜。饱皮唔得，好硬，可能同水尾有关。虾饺- 正！有番一间大酒楼点心o既风范！皮薄烟韧，虾有鲜味而且爽口，肥猪肉的比例亦恰到好处。鸭脚扎- 好耐冇食过，不过唔系咁好食，只鸭脚唔够腍，而且脚趾有少少断，不过o的猪肉料都ok。牛肉肠- 牛肉有少少韧，熟油落得太多了，食到成口油。马蹄糕- 好大件，马蹄粒多，但糕身唔够硬亦唔够甜。埋单共$95~叫了七样点心，总括来说只有虾饺可以，比著其他酒楼一早比o左喊面，但对
发完up疯，讲番正题。
谂一谂都好耐冇去过饮茶，见星期日悠悠地就同女友去叹番一壶两笼。十二点上到去要等位，可见经济正在复苏中。等了十分钟左右，坐低后叫了点心如下：
鲜竹卷- 好淡唔够入味，睇个色已知无乜蚝油。o的馅斋多猪肉少，莫非受最近的高危点心发布有关？
凤爪- 三大只，味道不过不失，不过点解唔斩开呢？
黄金流沙饱- 奶皇混合著咸蛋黄的馅，几有新意，不过有o的两头唔到岸，唔咸又唔甜。饱皮唔得，好硬，可能同水尾有关。
虾饺- 正！有番一间大酒楼点心o既风范！皮薄烟韧，虾有鲜味而且爽口，肥猪肉的比例亦恰到好处。
鸭脚扎- 好耐冇食过，不过唔系咁好食，只鸭脚唔够腍，而且脚趾有少少断，不过o的猪肉料都ok。
牛肉肠- 牛肉有少少韧，熟油落得太多了，食到成口油。
马蹄糕- 好大件，马蹄粒多，但糕身唔够硬亦唔够甜。
埋单共$95~
叫了七样点心，总括来说只有虾饺可以，比著其他酒楼一早比o左喊面，但对汉宝总有一份莫名的亲切感，可能由细去到大，亦十分怀念以前一家人个个周末去饮茶的日子，所以即使失色亦一定会再去。
张贴