點心皇 (已搬遷) 新店位置

今晚有朋友话同我去皇点点心食嘢，我之前有听讲过话呢间点心唔错，开始我以为唔会好多人，但去到都要等位，大概等左10钟左右，呢间店环境都算OK。睇个虾饺样就一般，味道试下果然都系一般，皮比较厚，而且虾唔系好大只，觉得唔系好新鲜，唔知系咪之前卖剩嘅，入口仲觉得有D淡，下次唔会点呢个喇。呢个生菜牛肉粥值得一赞，分量好足，D粥煲到好够火候，米全部都煲烂晒，绵绵嘅口感，牛肉大件又鲜嫩，生菜新鲜，好鲜甜，切成粒滚粥好鲜脆，呢个牛肉粥真系令人难忘，下次嚟都要再点。朋友话上次嘅流沙包几好，真系几好食，D包整得好松软，一咬落去D蛋黄就流出嚟，一定要趁热食，个馅真系好香好好味，中意甜食嘅朋友不妨一试。