影片
更多
2020-07-09
1809 浏览
第一次嚟试呢啲贵点心，味道整体嚟讲几好食但系唔值得咁贵，质素就似利苑，如果大约$50一款我会觉得几好。个煎饺好难食，韭菜份量唔多，小到唔系好食得出系韭菜饺。同埋入边啲肉馅好似唔系猪肉定系鸡肉唔系好食得出。种感觉系$12.3只个种街边货式；同埋煎得唔够香脆同埋唔够热。流沙包算好食，咸蛋黄味浓。灌汤饺个汤好醇厚同埋鱼翅份量唔少，我个人唔系太钟意食灌汤饺软林林嘅馅，所以个馅我冇咩评语。虾饺烧卖同牛肉肠都系高于一般水平但系唔值咁贵，果几十蚊可能系消费嘅分隔。安排坐喺近收银嘅位置，有个经理定系高级啲嘅人喺度好大声讲电话佢或者同佢同事倾计，超级大声唔顾及客人会听到好烦扰。不断喺度擦存在感自己放完假，一堆野等着自己做𠮶类野。所以可以嘅话要求坐入啲好紧要。同埋有个阿姐当我系大陆游客，同我讲普通话，无所谓既，但成世人都未试过咁样，最紧要系之后同佢沟通用返广东话佢又唔记得左，转头买单嘅时候又同你讲普通话，好好笑。我就冇遇到主动斟茶同埋揭开个盖都要等一阵先加水。
个煎饺好难食，韭菜份量唔多，小到唔系好食得出系韭菜饺。同埋入边啲肉馅好似唔系猪肉定系鸡肉唔系好食得出。种感觉系$12.3只个种街边货式；同埋煎得唔够香脆同埋唔够热。
流沙包算好食，咸蛋黄味浓。
灌汤饺个汤好醇厚同埋鱼翅份量唔少，我个人唔系太钟意食灌汤饺软林林嘅馅，所以个馅我冇咩评语。
虾饺烧卖同牛肉肠都系高于一般水平但系唔值咁贵，果几十蚊可能系消费嘅分隔。
安排坐喺近收银嘅位置，有个经理定系高级啲嘅人喺度好大声讲电话佢或者同佢同事倾计，超级大声唔顾及客人会听到好烦扰。
不断喺度擦存在感自己放完假，一堆野等着自己做𠮶类野。所以可以嘅话要求坐入啲好紧要。
同埋有个阿姐当我系大陆游客，同我讲普通话，无所谓既，但成世人都未试过咁样，最紧要系之后同佢沟通用返广东话佢又唔记得左，转头买单嘅时候又同你讲普通话，好好笑。
我就冇遇到主动斟茶同埋揭开个盖都要等一阵先加水。
张贴
