六小館

搬入东涌已经半年，发现除咗屋邨商场，好少酒楼。东荟城有两间都几高级。老公生日佢钟意食中菜，上网check吓原来六小馆经OpenRice 购买2位用午餐餐饮券有66折优惠就买了带老公去做生日。环境雅致，座位宽敞坐得好舒适，职员都殷勤有礼。食物方面都有质素有心思！网上皇牌2人午餐◻️法式拆蟹钳肉龙虾汤（2位）去壳蟹钳啖啖肉 鲜味又大大只，汤味道浓厚口感顺滑。◻️前菜三小品～陈醋小云耳青笋 醋香开胃～凉拌豆干 豆腐干、红萝卜丝、青瓜丝，嫲嫲辣辣惹味味！～冰爽水鱿鱼微辣爽口◻️黑松露虾饺皇大大只 晶莹剔透 外皮粉红色卖相好靓，猪肉、虾、松露馅，好香松露味好食😋◻️蜜汁黑豚叉烧肠呀黑豚肉做嘅叉烧肠，我都系第一次食，确实系几好味，肠粉皮都好软滑！◻️飘香荷叶珍珠鸡好似三文治咁，两层糯米，中间夹住肉碎和蛋，软糯中带肉香。◻️ 手工紫薯南瓜粿南瓜造型好可爱，鲜艳夺目嘅橙色，包住紫薯蓉馅。系一道唔错嘅甜品。◻️芹香藕片炒鲜杂菌健康镬气小炒，莲藕片、几种菇类和芹菜一起炒，好味又健康🫰🏻🫰🏻