點喜來 (已結業)

记得约一年前到，某旅游杂志介绍香港既点心舖，已经介绍呢间了，时至今日先至有机会去试一试菜。原本去太子谂住系食佢隔离既肠粉，但系男友话唔想食菜干粥，所以就去咗呢间食点心la。 最爱那些杯碟，因为唔系平时茶楼用开的，倒太热的茶不会烫手，好钟意。装修亦都唔错，灯光好柔和，而且佢地播d雀聱，好舒服。叫咗牛肉、萝卜糕、麻辣烧卖、蒜茸虾春卷、樱花虾肠、凤爪同埋菜苗饺。樱花虾肠煎得好味，好香，唔多油。虾好脆，唔系平时食的虾米肠般，平时食既虾米肠好"淋"。麻辣烧卖，唔好食，以为真的麻辣，点知一d 麻辣都冇。蒜茸虾春卷，皮太厚，唔得。其余都系一般般，冇特别。侍应唔主动加水，唔系咁好。