民華餐廳 (已結業)

呢日同男朋友去到坚离地城行下海边打下卡。玩完一轮就去咗医肚啦。餐厅都有啲装修同好新净，坐得几舒服。杏仁茶/热柠蜜呢度上菜都几快手下，好快就有野饮。两杯野饮都好够热，而个热柠蜜好浓好足料！玩完一轮好肚饿，见到menu 啲点心就忍唔住叫咗5款。佢啲点心几抵食㖞，每款都系$17-18，而份量都几多下够足料。个烧卖够大粒，入面大大只虾，再有少少杞子既甜味，值得推介。凤爪又系$17，一碟有好多只，味道调配得啱啱好！油菜油菜加配就$10，啲菜都几新鲜，同唔会煮得太老，抵赞。西多西多单叫$20，大大份好抵食。一上枱见佢整得咁靓仔个面包够厚身，已经急不及待想食。佢仲有贴心位，上枱已经帮你切件。一食落口好好食，外脆内软，面包又够厚身有口感，吸埋啲糖酱同牛油，好正。一出门口发现平日佢会有下午茶餐，每款都系廿蚊左右，系香港好难见到呢个价钱呢。