百樂門囍宴

营业中

休息中

彩明商场之前开嘅酒楼都系喺三楼，可能位置问题全部都结业，呢间新开嘅百乐门囍宴酒家终于可以避咗呢个位，开设嘅位置前身系一间超级市场。今日做完晒嘢同两位同事嚟试吓饮下午茶，星期六嚟讲攞位算容易，食物味道又唔错，喺将军澳区都算唔错，揾次闲日收工可以试吓晚巿。怀旧春蛋烧卖，呢个点心我觉得周围都差唔多，肉质食落质素比连锁外卖点心店好啲，始终系即叫即蒸。陈皮牛肉球，食唔到陈皮味，不过牛肉球都可以，唔会太淋。鲜虾娥姐粉果，平时对粉果一般嘅我都觉得唔错，有虾而且食落比平时嘅少油腻感。蜜汁叉烧包，馅都几多。凤凰千层糕，松软嘅马拉糕加上奶黄香，好味。萝卜千丝酥，做得好好，食得到层层酥脆，馅亦做得几清淡，好味。豆苗鲜虾肠，每段肠粉都见到有虾，粒粒饱满，皮亦几滑。咸菜猪肚，呢个一漏再漏单，落单大概45分钟第一次追单话整紧，第二次系二十分钟后话无落单，即刻落单，几分钟后到，滚住出嚟。我无食到朋友话好味，清晒底咁滞。烧汁珍菌带子炆米，一般，太干，同埋得几粒带子粒摆一边。宫廷桂花糕，桂花糕入面加咗粟米粒，口感无丰富咗，甜味软硬适中。