御名園 (已結業)

今日同妈咪仲有契妈一齐饮茶，契妈话天晋有间点心唔错，细细间比较清静又坐得舒服嘅酒楼，仲话有人为咗一个点心由流浮山都过嚟饮茶，讲到咁夸张一定要试下啦。我哋大十点左右到，的确系比较细，但系无因为咁而将啲塞到好密，所以都算几静同舒服，点心嘅味道亦真系唔错，早巿有孖宝优惠，十二点半前埋单价钱都几抵。远年陈皮牛肉球，肉唔会太淋太削，唔错。黑松露鲜虾烧卖，唔系点食得出黑松露味，不过都几好。花胶灌汤饺，呢个就系契妈讲有其他客人好远都嚟食嘅点心，系几好味嘅，皮滑汤浓。鲜牛肉软滑肠粉。葱花炸両肠粉，里面仲脆㗎。蚝皇流汁叉烧包，虽然个样好似麻麻，不过里面嘅叉烧都几足料。香煎腊味萝卜糕，唔散又唔硬。姜汁千层糕，唔胶嘅糕，够烟韧。松化脆蛋散，又揾到一间系酥化唔系脆嘅蛋散。银鱼仔鸡粒饭。凤爪排骨饭。