煌苑

营业中

休息中

好耐冇去石门饮茶食粥，呢间下午茶啲孖宝系抵食。虽然呢间唔系出名食粥，但系心瘾到都嗌一碗试吓啦。系有啲失望嘅，不过其他嘢挽回返唔少分数。尤其是𠮶个特价灌汤饺真系好足料， 十几蚊一碗绝对系超值。虎皮尖椒都够辣，但系啲鱼肉就薄咗少少，口感争啲。虽然下午茶都会嗌吓炒粉面，干炒牛河都几够镬气，牛肉都好多又唔韧又够厚。另外个陈村粉同埋个叉烧肠都好滑，抵唔住颈都系清晒佢。最后食返黑椰汁红豆糕，清一清个味蕾，又唔会太甜。另外，呢度啲乳鸽好食，但就比之前贵咗啲，所以就冇嗌啦。