唐記包點 (鴨脷洲邨)

营业中

休息中

正作忙到一个点，可以点? 中午时间都唔得闲外出吃午饭，只好去买外卖返公司食。咁都好，可以快快趣趣食完，偷少少时间眠一眠，之后再搏杀过。今日去咗唐记，我经常都帮衬，早餐啦、午餐啦，甚至晚餐都会帮衬。无他嘅，快捷方便，经济实惠，又多嘢拣，味道又唔差，买完，食完，唔使煮又唔使洗碗，啱晒我呢种又忙又懒嘅人。今日买咗𫠒鱼肉饼饭、山竹牛肉球、鲜竹卷。多啲豉油呀，阿姐，唔该!阿姐仲问我要唔要饮黑芝麻豆浆? 好㖞! 就一支啦，唔该!返埋位，开餐! 晚盒好大个，𫠒鱼肉饼又厚又札实，廿二蚊就有交易，其他地方几难揾到。牛肉球大大粒，肉质唔错。鲜竹卷也好食。味道、质素唔会逊色于酒楼。最后，饮埋黑芝麻豆浆，少甜啱我。饱餐一顿后，眠一眠先。