正斗粥麵專家 (ELEMENTS圓方)

营业中

休息中

今日同屋企人嚟圆方做XMAS SHOPPING，贪佢多车位，够方便，同埋商场行人道相对比较阔落，啱哂推BB车嘅我地。开始前先食LUNCH，拣咗正斗粥面专家，卡位都几舒服，老婆想食点心，先点一笼流汁叉烧包，晶莹鲜虾饺，比个女食先。流汁叉烧包，包嘅皮好松软，叉烧汁真系有流汁效果，好耐冇食过咁出色既叉烧包。晶莹鲜虾饺，SIZE好似比较细，但系用料好新鲜，皮薄程度真正晶莹通透。羊城荔湾艇仔粥，好钟意粥底够杰身，水鱿鱼够爽口。叉烧肠粉，一睇就知系厨房自己拉嘅肠粉皮，够薄够滑身。陈皮牛肉球，牛肉球够弹牙，陈皮香气十足。酥炸蚬介鲮鱼球，鲮鱼肉够新鲜，手打鱼肉够弹牙爽滑，蚬介咸鲜味亦足。