影片
更多
2019-08-24
213 浏览
中环作为OL嘅集中地💃🏼，餐厅应该要保持一定嘅新鲜感和水准先可以系呢个竞争环境下生存。今个weekend 同妈咪系中环做完运动，就想趁住办公室放假去一试中环区嘅餐厅，去享受比平时多一份宁静嘅中环。妈咪独爱中菜，亦喜欢饮茶呢个传统嘅中国文化，所以我决定带妈咪试下中环加州大厦开业了一段时间嘅🏮•红楼•🏮餐厅主打新派中菜，打破你对点心嘅传统形象，以更加新颖和精致嘅形式呈现在你眼前。餐厅以红色作为主调，配上中西融合的设计。坐落于加州大厦23楼，景观十分开扬。餐厅周末会推出weekend brunch $288/一位 点心任食嘅promotion 🎉Weekend brunch 包括嘅食物种类都算多。如果各位想再chill d 仲可以加钱任饮红白酒、汽水、特色冰茶等。我同妈咪就冇join 到个weekend brunch，我地决定散叫，自由度好似大啲开心啲🙈，中意食咩就叫咩茶芥每位$15。我地叫左普洱茶，可惜茶味不足，浸左一段时间都觉得同滚水冇乜分别，有少少失望。香槟金虾饺 $52呢个虾饺以红菜头汁染成粉红色，加上一抹香槟金作为点缀，卖相十分精致。虾饺皮厚薄适中，虾肉十分爽口弹牙，再配上笋
今个weekend 同妈咪系中环做完运动，就想趁住办公室放假去一试中环区嘅餐厅，去享受比平时多一份宁静嘅中环。
妈咪独爱中菜，亦喜欢饮茶呢个传统嘅中国文化，所以我决定带妈咪试下中环加州大厦开业了一段时间嘅🏮•红楼•🏮
餐厅主打新派中菜，打破你对点心嘅传统形象，以更加新颖和精致嘅形式呈现在你眼前。
餐厅以红色作为主调，配上中西融合的设计。
坐落于加州大厦23楼，景观十分开扬。
餐厅周末会推出weekend brunch $288/一位 点心任食嘅promotion 🎉
Weekend brunch 包括嘅食物种类都算多。如果各位想再chill d 仲可以加钱任饮红白酒、汽水、特色冰茶等。
我同妈咪就冇join 到个weekend brunch，我地决定散叫，自由度好似大啲开心啲🙈，中意食咩就叫咩
茶芥每位$15。
我地叫左普洱茶，可惜茶味不足，浸左一段时间都觉得同滚水冇乜分别，有少少失望。
香槟金虾饺 $52
呢个虾饺以红菜头汁染成粉红色，加上一抹香槟金作为点缀，卖相十分精致。虾饺皮厚薄适中，虾肉十分爽口弹牙，再配上笋尖，美味可口✨
瑶柱菜苗饺 $42
晶莹通透嘅水晶饺皮，食落烟烟韧韧。馅料略带肉汁、食落咸咸地，略嫌食唔出瑶柱嘅鲜甜之味。
流心紫蕃薯 $42
新鲜炸起，小心烫口。🔥
紫蕃薯外皮炸得不算太脆，馅料流心，但紫薯味如果可以再浓郁啲就好。
珍菌松露球 $48
呢个我系见到有唔少食评推介所以先至会叫。珍菌松露球感觉似高级版嘅雷沙汤丸同埋咸水角嘅混合体。表面的黑芝麻十分香，软嫩酥香嘅糯米包裹着野菌和猪肉馅并带有淡淡嘅松露味，风味十分独特。
即烧脆皮烧鹅 $128
烧鹅嘅灵魂烧鹅皮略脆，不是一口就可以咬开，可以有进步嘅空间。烧鹅肥瘦适中，鹅肉尚算嫩滑，肉质吸尽酱汁精华。
土鱿肉饼蒸荷叶饭 $138
呢个蒸饭加入左大量嘅虾肉落肉饼度，虽然令到肉饼入口更加弹牙，但却盖过土鱿嘅味道，有啲喧宾夺主嘅感觉。
总体感觉餐厅定价略贵，点心尚算有特色，有惊喜俾到我地。以饮茶来讲，餐厅环境非常赏心悦目，能够透过差唔多落地嘅大玻璃黎欣赏中环嘅景色同埋蓝蓝嘅天空。另外，佢比传统嘅茶楼少左一份繁嚣，可以更加专注同三五知己把茶谈天。
张贴
