海中寶海鮮舫

营业中

休息中

今日午餐同成班同事落嚟食午餐， 公司附近有间海中宝酒楼，叫咗好多样点心， 好多款点心选择，我哋嗌咗好多份点心，差啲食都食唔晒，但又真系抵食又大件。叫咗三笼叉烧包(叉烧好大旧)，两笼奶黄包(流心馅料)，两笼猪肚(爽口弹牙)，两笼凤爪(好入味)，两笼排骨(软冧冧)，两笼烧卖(大大粒)，两笼虾饺(大大只虾系里面)， 咸水角(炸到金黄色)，春卷(脆口)，蜜瓜鲜奶(又香又滑)，样样都好味道，真系好好食。呢度地方大，环境又好， 啲侍应又有礼貌。夜晚仲可以嚟呢度食海鲜，呢度出名海鲜新鲜又好味。