影片
更多
2012-04-30
74 浏览
初初以为呢间嘢系新开冇几耐, 但原来妈妈话佢都唔算新架啦, 都一阵子架啦... 所以真系要keep住update渡船角𠮶边嘅食肆至得, 如果唔系真系会out trend...唔知点解佐敦呢个地方话大唔大, 话细唔细, 但偏偏八文楼就系一个卧虎藏龙之地...色彩斑烂嘅点心纸...用唔同颜色嚟locate人气点心... 估唔到又几细心㖞!! 虽然唔知佢系真有机定假有机, 但确实少甜清新好饮... 外皮既热辣辣, 但又唔系脆卜卜𠮶种, 啱晒心水 因本小姐唔喜欢脆硬的东西, 所以我口边成日挂住句说话..."我地呢啲老人家好鬼麻烦嘅, 太咸, 太甜, 太硬, 太脆, 太冰嘅嘢都唔多喜欢吃"所以成日都问住, 点解咸水角就一定要脆卜卜, 我就系唔喜欢食脆卜卜嘅!!!佢除左热度刚好, 外层又软软地, 势估唔到, 咸水角同芥末夹埋一齐又唔难受㖞!!!芥末味完全冇辣嘅成份, 净系取其嘅味道...食完嘅感觉就好似要用Whatsapp𠮶个双手捧住块脸然后O左嘴嘅表情去哎--> 好夹,好好味㖞!!! 佢系真正肠粉皮薄... 但入面嘅脆又冇受影响㖞...通常用肠粉皮包住, 入面嘅料十居其九都淋晒架啦..
所以真系要keep住update渡船角𠮶边嘅食肆至得, 如果唔系真系会out trend...
唔知点解佐敦呢个地方话大唔大, 话细唔细, 但偏偏八文楼就系一个卧虎藏龙之地...
色彩斑烂嘅点心纸...用唔同颜色嚟locate人气点心... 估唔到又几细心㖞!!
虽然唔知佢系真有机定假有机, 但确实少甜清新好饮...
外皮既热辣辣, 但又唔系脆卜卜𠮶种, 啱晒心水 因本小姐唔喜欢脆硬的东西, 所以我口边成日挂住句说话...
"我地呢啲老人家好鬼麻烦嘅, 太咸, 太甜, 太硬, 太脆, 太冰嘅嘢都唔多喜欢吃"
所以成日都问住, 点解咸水角就一定要脆卜卜, 我就系唔喜欢食脆卜卜嘅!!!
佢除左热度刚好, 外层又软软地, 势估唔到, 咸水角同芥末夹埋一齐又唔难受㖞!!!
芥末味完全冇辣嘅成份, 净系取其嘅味道...
食完嘅感觉就好似要用Whatsapp𠮶个双手捧住块脸然后O左嘴嘅表情去哎--> 好夹,好好味㖞!!!
佢系真正肠粉皮薄... 但入面嘅脆又冇受影响㖞...通常用肠粉皮包住, 入面嘅料十居其九都淋晒架啦... 但佢冇!!
不过就食得出, 虾唔太新鲜
真系菠萝包里面系真系有菠萝架!!! 据说呢个系人气点心添㖞!!! 绝对睇得出佢系Gimic 嘢
相信系用左罐头菠萝, 所以甜度偏甜左...
如果唔系都绝对出色嘅... 可惜!!可惜!!
皮太厚, 虾唔新鲜... 讲完!! 太专注玩花巧嘢, 反而令到普通嘅虾饺都整得唔好... 失败!!
谂住将呢笼嘢打包架啦!! 因为虾饺都搞成咁, 烧卖仲会出色得去边吖~! 但妈妈话"打乜鬼包吖, 食埋佢啦"!!
跟住佢就队左粒然后同我讲话唔错㖞!!! 我都半信半疑...
自己试完之后, 确实又OK㖞, 皮唔太厚, 所以唔会有太腻嘅感觉!!
猪肉肉质唔错, 有将水份锁晒入里面, 导致唔会太干身!!! 真系goods嘅
题外话/补充资料：
如果佢可以搞Gimic得嚟之余, 又可以兼顾到传统点心嘅水准咁就非常好啦~~
(以上食记乃用户个人意见 , 并不代表OpenRice之观点。)
张贴
