譽點精緻點心

营业中

休息中

一向都喜欢饮茶，最好叫埋一班朋友嗌返一盅两件慢慢叹，倾下偈。但系今时今日饮茶唔再系要一班人先可以去，就好似杏花村呢间誉点，好似快餐店咁样，一卡卡座位，自己一个人食系呢度饮茶都唔会尴尬。 之前都试过自己一个人嚟食，当然一个人就叫唔到好多点心，最多叫两样。之前试过烧卖同虾肠味道都好ok，价钱亦都唔贵，茶位四蚊一个，免加一，平过一般酒楼。 今次就试咗个凤爪排骨饭及蒸萝卜糕，可惜就有少少失望，凤爪排骨饭有啲湿，比起上次差咗;萝卜糕同样情况都系好湿，冇乜口感，不过蒸萝卜糕就唔系度度有得食，都值得一试。