粵藝館 (時代廣場)

营业中

休息中

老一辈最钟意就系饮茶，之前食过呢一间嘅晚市觉得质素唔错，今日带住妈妈嚟到呢度饮茶，而家仲有点心八五折添！👍🏻午市套餐✨巧手点心龙虾汤鲜竹卷、香煎手作萝卜糕。鲜竹卷入口爽脆，面头嘅龙虾汁浓郁得黎唔会太粉；萝卜糕长长一条，满满嘅萝卜条同虾米干，馅料爆棚，惹味不凡！✨粤艺老火汤标榜住冇味精嘅老火汤，汤头浓郁清甜，够晒火候，而且碗内装有真材实料嘅汤料，海底椰、节瓜煲落去相当清润。✨西班牙栗子猪焦香叉烧餐厅选用肥瘦相间嘅猪梅肉，涂上参蜜汁，用上火枪烧香边角位置逼出油分，食落特别惹味，肉质亦相当爽嫩。✨花胶天白菇茶胆午市都一样可以食得奢华，花胶厚身亦炖煮得够爽口，天白菇菇味好香，整体时间火候拿捏得相当唔错。闲时滋一下。✨上汤鲜竹浸翡翠以清淡嘅一道蔬菜作为间场，味道清新，蔬菜翠绿。✨怀旧扬州炒饭细细个去酒楼必叫的，餐厅炒得粒粒金黄分明，杨州炒饭必备嘅叉烧、虾仁亦都蕴藏当中。✨粤艺特色甜品木瓜雪耳糖水入口清甜润喉，一大嚿桃胶咬落Jelly Jelly 。