叁薯 (已結業)

系花园街行行下想揾d野食下，见到一间铺个名咁特别就去睇下。 铺头细细，主要卖外卖焗薯。 叁薯发音"三薯"我估应该有三种焗薯，望望餐牌，点止得三种焗薯，有芝士忌廉，芝士烟肉，吞拿鱼，沙律蛋等等既口味，仲有其他小食。 酱烧茄子，烧得好淋，平时烧茄子用左大量既香蒜去烧，所以都好劲蒜味。而呢个酱烧茄子就比较清，加左少少酱油，葱花同炸蒜，清得嚟都有番少少味道。 重量级芝士焗薯，应该系铺头重点推介。其实系芝士酸忌廉焗薯，即叫即焗。焗薯系原只既薯仔，焗薯既表面有溶溶既芝士酸忌廉，切开焗薯，仲见到有烟出，非常新鲜。芝士酸忌廉连焗薯食，creamy 得嚟，又可以食到焗薯既口感。 鸡蛋沙律焗薯，同重级芝士焗薯一样都系用原只焗薯，不过上面就用左鸡蛋沙律。鸡蛋沙律本身已经口感丰富，连埋焗薯食，其实口感似薯仔鸡蛋沙律，但咁冻既天气真系唔会想食冻冻地既鸡蛋沙律，所以用焗薯去提升番个温度就岩晒。 自家制柠檬薏米水，今日咁冻都唔系好想饮冻野，整番一樽唔冻既柠檬薏米水，健康又解渴。食完呢餐之后我知道自己估错晒，叁薯一定不是三薯咁简单。