影片
更多
2023-12-09
738 浏览
是日经过庄士伦敦广场，见到好可爱嘅熊猫标志，发觉原来系卖小云吞嘅餐厅，见价钱唔贵就一于买返屋企做晚餐。双拼云吞 :叫得做熊猫小云吞，又点可以唔食佢地嘅云吞呢？呢度有四款云吞可以拣，20粒都唔驶50蚊，相当抵食。我地拣咗粟米豚肉及鲜虾豚肉云吞，小云吞一口一粒，食得相当方便。汤就拣咗蕃茄汤，味道好浓郁，仲有轻轻嘅芫茜味，食完云吞饮埋碗汤就啱啱好。麻辣鸡丝凉皮 :凉皮烟韧有咬口，吸收晒麻辣酱汁，辣得好过瘾，鸡丝份量都几多，配料有花生、脆豆、菜脯及青瓜丝，全部捞埋食非常丰富。椒麻猪耳手作凉面 :卖相相当精致，五格盒分别放咗面条、猪耳、青瓜、海带丝及菜脯，条理分明，幼面条入口弹牙，猪耳好爽口，加埋其他配料，味道辣辣地食得十分开胃。芝麻手撕鸡 :以密封形式包装，一打开包装已经闻到阵阵麻香味，鸡肉保持鲜嫩弹牙，一d都唔鞋，味道唔会太咸，食埋底层嘅青瓜丝，感觉更清新。冷泡洛神花茶 :加$12有冷泡茶，味道唔太甜，饮落减辣解渴。餐厅仲有自家制酱料、菜脯及花生脆豆卖，见今晚有波睇，一于买樽花生慢慢叹。
双拼云吞 :
叫得做熊猫小云吞，又点可以唔食佢地嘅云吞呢？呢度有四款云吞可以拣，20粒都唔驶50蚊，相当抵食。
我地拣咗粟米豚肉及鲜虾豚肉云吞，小云吞一口一粒，食得相当方便。汤就拣咗蕃茄汤，味道好浓郁，仲有轻轻嘅芫茜味，食完云吞饮埋碗汤就啱啱好。
麻辣鸡丝凉皮 :
凉皮烟韧有咬口，吸收晒麻辣酱汁，辣得好过瘾，鸡丝份量都几多，配料有花生、脆豆、菜脯及青瓜丝，全部捞埋食非常丰富。
椒麻猪耳手作凉面 :
卖相相当精致，五格盒分别放咗面条、猪耳、青瓜、海带丝及菜脯，条理分明，幼面条入口弹牙，猪耳好爽口，加埋其他配料，味道辣辣地食得十分开胃。
芝麻手撕鸡 :
以密封形式包装，一打开包装已经闻到阵阵麻香味，鸡肉保持鲜嫩弹牙，一d都唔鞋，味道唔会太咸，食埋底层嘅青瓜丝，感觉更清新。
冷泡洛神花茶 :
加$12有冷泡茶，味道唔太甜，饮落减辣解渴。
餐厅仲有自家制酱料、菜脯及花生脆豆卖，见今晚有波睇，一于买樽花生慢慢叹。
张贴
