醉標泰粵小廚

营业中

休息中

打完比赛系附近医肚，经过见到有新餐厅，原来只系开左三个月，门口望餐牌都几多款式，试下先。泰粤菜式选择多，唔同人数ge套餐都有，亦有多款串烧。烧生蚝用上日本靓蚝，烧完仲系好饱满，唔会缩到变蚝仔，无落任何调味，保留生蚝原本鲜味同肉汁，无沙唔臭唔腥，好食！烧原只鱿鱼筒最怕烧到又干又韧，但呢只无令我失望，配辣椒粉好惹味，老板娘话用左印度辣椒粉，食得辣的话可以叫辣d。烧茄子落左蒜、葱同埋辣椒粉，有咁香得咁香，茄子一夹就甩到，烧得够透！酸菜鱼系老板娘亲自推介，因为新出，所以未改得切餐牌，可选红汤（辣）或白汤（唔辣）。老板娘话自己好钟意食酸菜鱼，想将呢款美食同食客分享，钻研左好耐先敢出街，干椒、花椒同子姜都系精挑细选，汤底以鱼及鸡熬制，鱼系鲈鱼，少骨，肉唔易散，每锅鱼肉份量其实多过一条鱼，劲足料。汤底一滴醋都无落，酸味来自酸菜同腌萝卜，酸得有层次，好开胃。我饮左边ge咸柠梳打，咸柠够晒味，一饮就gur晒！朋友饮左边ge龙眼冰，我饮左啖，几清润。老板娘话餐厅开业至今一直尝试保留受欢迎ge菜式留低，亦不时加入新款，务求将最好ge美食益食家，迟d再去睇下有咩新野先。