影片
更多
2018-05-24
42 浏览
边个话出面34度热就唔可以打边炉架？ 开住冷气打咪唔热啰。是日假日，同朋友行完荃湾一带之后想揾个地方可以坐耐d倾下计，最后拣左黎大鸿辉中心嘅「鲜一夜火锅 」。一夜皇御套餐＄268一位，有任食火锅两个半钟头，仲有红烧花胶翅，掌上明珠配糖心靓鲍鱼，五色刺身拼盘，同埋即炒奇妙鸡煲。火锅方面，有多个汤底选择，仲有海鲜拼盘，安格斯肥牛，各式各样火锅配料，啤酒汽水仲要系任饮添。落单之后，店员好快就为我地送上花胶翅同埋靓鲍鱼。花胶翅好香浓，非常足料，花胶都算几大块，咬落去都颇有胶质。原只鸭掌配上浓郁嘅鲍汁，加埋有咬口嘅鲍鱼，唔错。好快我哋嘅鸡煲就到啦。鸡煲可以拣唔同嘅辣度，我哋叫咗小辣，鸡嘅份量一啲都唔少，加左蒜头同莞茜煮之后仲散发出香喷喷嘅味道。食到半路，系时候叫汤底及火锅配料，准备打边炉啦。有别于其他铺头，呢度食完鸡煲后，店员会换上全新嘅煲俾客人打边炉，我哋叫咗莞茜皮蛋锅，清清地，都几好味。酱料方面，呢度嘅款式都好多，仲有比较罕见嘅桂林酱添。系呢个时候，五色刺身拼盘就到啦。刺身分别有三文鱼，带子， c赤虾，希灵鱼同埋北寄贝，全部都好新鲜，而且仲系厚切添。食完刺身后，系时候打边炉啦。航母海鲜拼盘:
是日假日，同朋友行完荃湾一带之后想揾个地方可以坐耐d倾下计，最后拣左黎大鸿辉中心嘅「鲜一夜火锅 」。
一夜皇御套餐＄268一位，有任食火锅两个半钟头，仲有红烧花胶翅，掌上明珠配糖心靓鲍鱼，五色刺身拼盘，同埋即炒奇妙鸡煲。
火锅方面，有多个汤底选择，仲有海鲜拼盘，安格斯肥牛，各式各样火锅配料，啤酒汽水仲要系任饮添。
落单之后，店员好快就为我地送上花胶翅同埋靓鲍鱼。
花胶翅好香浓，非常足料，花胶都算几大块，咬落去都颇有胶质。
原只鸭掌配上浓郁嘅鲍汁，加埋有咬口嘅鲍鱼，唔错。
好快我哋嘅鸡煲就到啦。鸡煲可以拣唔同嘅辣度，我哋叫咗小辣，鸡嘅份量一啲都唔少，加左蒜头同莞茜煮之后仲散发出香喷喷嘅味道。
食到半路，系时候叫汤底及火锅配料，准备打边炉啦。
有别于其他铺头，呢度食完鸡煲后，店员会换上全新嘅煲俾客人打边炉，我哋叫咗莞茜皮蛋锅，清清地，都几好味。
酱料方面，呢度嘅款式都好多，仲有比较罕见嘅桂林酱添。
系呢个时候，五色刺身拼盘就到啦。刺身分别有三文鱼，带子， c赤虾，希灵鱼同埋北寄贝，全部都好新鲜，而且仲系厚切添。
食完刺身后，系时候打边炉啦。
航母海鲜拼盘:
呢个拼盘每日都提供七款时令海鲜，每样都非常新鲜。
基围虾:
肉质鲜甜弹牙
安格斯肥牛：
肉味浓郁，因为切得好薄，所以碌一碌就熟。
响铃 :
即叫即炸既响铃，轻轻放入汤内渌过后，外软内脆，吸收左汤底既精华后真系格外好味。
手打猪肉丸：
入口新鲜好味而且爽口弹牙。
麻辣鳕鱼汤包：
一咬入口即刻唧出汤汁，食果时一定要好小心╴唯一美中不足嘅系佢一d都唔辣。
鲜虾水饺：
皮薄馅靓，仲要大大只，非常好食。
食完咁多野，梗系要饮返d野架啦。呢度所有汽水都系任饮，怕肥嘅话仲可以拣coke zero 添。食完咁多浓味嘅野，可以食返碗雪榚做甜品添呀。
张贴
