華嫂冰室 (已搬遷) 新店位置

一路听闻华嫂冰室呢间店，但一直未有行动，因为的唔起心肝入元朗。虽然分店开到九龙，但总系有个念头：既然有总店，点解唔去总店先！难得星期六唔赖床，孖住朋友踩入元朗总店，一于叫个菠萝包试试。*环境 当日算系天朗气清，等位嘅地方有凳坐住等，但如果落雨唔知道会点安排呢。村屋格局，典型「 上居下舖」，地下𠮶层就是华嫂，感觉系family business，街坊邻里一齐招呼你。*招牌菠萝包食左就知不得了，华嫂名物正呀喂！菠萝包脆脆，加埋牛油、鸡蛋、蕃茄瞬间融化。未试之前觉得有啲fusion怪怪地，放入口即刻嚟料，配搭出奇地夹。鲜茄猪排鸡翼通粉猪排唔好唔叫，食过菠萝包要试埋腌得劲入味嘅猪排，仲有浓浓嘅蕃茄汤底。香煎猪排冬荫公汤底继续推荐猪排，煎到少少金黄，果然系香煎嘅朋友。话梅柑桔天气冻拎住杯热饮系温暖啲嘅🍊*虽然等候时间会令人却步，但华嫂有别于一般连锁快餐店，有时食嘢食埋人情味㗎嘛。就好似当日华嫂同等紧位嘅人有讲有笑，换转系快餐厅就未必见到呢一幕情景。其实偶然离开高楼大厦，入元朗走下行下放下脚步都好写意。