前門飯莊 (已結業)

又黎白由发挥饮食团啦~天阴阴左几日, 唔敢去元朗揾野食, 咁不如去青衣城啦~顺便去睇微型展~~~老豆话要食中菜, 呀妈又话唔想食普通野, 咁就拣左间个名睇黎得意D嘅"前门饭庄"啦~3个人, 叫左:1) 什锦锅巴2) 馒头宫保鸡丁3) 花葱饼4) 上汤津白5) 芝麻饼(1~4都好好食*V*)平日食锅巴通常都系跟茄汁之类, 比较浓味嘅汤, 但依个好大尝试, 用个咁淡口嘅献汁, 赞! 蔬菜多之余, 食到锅巴米本身的香味!馒头宫保鸡丁绝对唔系得个样架! 哈哈. 重点不在鸡丁, 而系个馒头呀!! 馒头炸得非常之脆口, 有乳猪皮嘅感觉!! 我觉得佢依度嘅面粉唔错, 事关佢个花葱饼都好好食, 咬断之后会弹番起身, 证明佢有弹性, 面包发得靓!午饭110左右一位, 贵系贵左D, 但如果dinner time黎食就reasonable好多啦~~