吉吉點 (已結業)

观塘系吃货小妹儿时住过既地方 亦系爷爷嫲嫲既旧居地 所以小妹对观塘呢个旧地一直有一份难以言喻既亲切感 虽然大部分家人都已经搬离观塘区 但小妹间中仍然会走去观塘觅食 顺便怀缅一番今次就走到宜安街街市转角小巷入面既一间隐世店心专门店广东点心 香港人通常都会俗称"饮茶" 所以杯茶真系好紧要 平日去过唔少点心专门店都无得拣茶种 更唔好话会有茶壶除左有得自选茶叶 系呢间点心专门店竟然仲发现到有特色咖啡同手工啤酒既踪影店员推介既日本手工啤酒小麦味浓 配点心都唔会有违和感除左饮品 食物既味道不错…锦卤云吞炸得香脆 虾肉饱满包点类蒸得软熟, 马拉糕软绵绵 甜而不腻上汤鲜竹卷好爽脆, 另外同样系上汤浸既时蔬都一样好味 上汤清甜无味精最期待既青芥牛肉馒头汉堡味道不俗 配搭好有创意同新鲜感 不过炸馒头容易吸油 系易肥精选其他点心 牛栢叶同烧卖,仲有凤爪排骨饭等都属有水准之选食埋甜品真系饱到顶上心口