秋香 (康景花園)

营业中

休息中

隐世屯门嘅煲仔饭，我哋终于入嚟食。叫咗个二人餐，有前菜有餐汤有串烧拼盘有炸物拼盘仲有一个煲仔饭，我哋拣咗玉子蟹肉蟹柳蟹膏大混战煲仔饭。个威士忌烧蚝好正，唔会太熟仲保留紧蚝嘅海鲜味，胀卜卜好易入口，好Creamy！炸物方面有炸鱿鱼圈多春鱼同埋鸡件，劲钟意食鱿鱼，因为入边有成条鱿鱼嘅感觉好新鲜炸粉又唔会太多。串烧拼盘超抵食，有和牛，有烧车厘茄烧猪腩肉仲有烧菠萝。终于到个煮食系玉子蟹肉蟹柳蟹膏大混战煲仔饭！超大条玉子蟹柳，然后劲多蟹膏+1个生蛋捞埋一齐口感，好丰富，每一啖都食到有蟹肉，啲饭啱啱好有少少饭焦好香口！估唔到呢度嘅煲仔饭就系咁隐世。饮咗杯米酌，同黎明来到。食吓串烧，再望吓四周围写住唐伯虎点秋香，原来呢间舖头嘅名就系甘黎。