鵝大哥鵝煲專家 (已結業)

鸡煲食过好几次，今次初尝鹅煲专家的鵞大哥，经同事介绍下，即兴订位啦！周末晚上17:30开始营业，我们六点到，人唔算多，坐得好舒服，环境卫生好满意，服务员又好有礼貌，不过呢喥无茶水供应，如果要饮茶就要$18一壶。三人行，第一时间点一份鹅煲，鹅肠一份，但系无谂到已预先放入煲内，其实煲鹅熟哂，鹅肠一次过就俾佢放哂煲内，完全睇唔到有几多份量，但价钱收$72，我们三人每人食到两条大细不一，好似被骗了。成十蚊一条鹅肠，虽然爽口，但价钱不值。除了对这个不满，其他食物尚可满意，好似脆鲩骨腩，爽脆但欠了点鲜鱼味。牛三宝有黑牛柏叶、牛白肉、牛心顶，好爽口，不过食唔到咩味。服务员推介蛏子，$35只，好新鲜好大只，好入味（炆鹅汁）。综合上述，鹅煲鹅肉少，见到有半边鹅头，有鹅肉食几件，肥膏又多，鹅颈，份量少过酒楼的例牌鹅，收$148觉得贵咗啲啰。下次会试其他煲火锅。