創發潮州飯店

营业中

休息中

一入餐厅问个阿姐侍应取餐牌，佢话无餐牌，叫我睇下墙上的菜。我想食卤水鹅，但见唔到墙上有写，就问佢几钱，佢答我例牌$150，其实有少少贵，但我钟意食，所以就叫啦！一食，觉得好咸，同埋卤水鹅点解无皮嘅？d皮去咗边？蚝饼又系墙上无写明的，问佢先答我$80。我去其他地方食有莞茜和胡椒粉，香好多，这里的蚝饼，无乜特别人。我见到墙上有个炸拼盘$120，问佢咩嚟？佢话有虾枣、蟹枣和萝卜糕，ok咁试下啦。我见到个阿姐在雪柜攞了6粒东西，然后拿入厨房处理。上碟共有6粒东西，没有卖相可言，味道都正常，但数量少，都算贵。饭后不断问我哋食唔食甜品？我哋话唔洗，因为谂住去九龙城另一间甜品店食。好彩咋！睇返呢度食评先知呢度原来甜品要$30-40。埋单$350，可能我哋系全日最低消费额嘅客人。点菜一定要问几钱。各位如想试下俾人㓥系咩滋味，即管试下。