Yo Mama - Frozen Yogurt (已結業)

肥髀好喜欢食乳酪雪榚，见有团购（$21买到价值$42嘅劵）就买张劵同佢去湾仔分店食，地点都几隔涉，在一条斜路上，行到去店面唔大，面积窄长，入内先系柜台，再入就有座位，墙上有雪榚卡通画，家具简洁！座位只有四张枱，当时店内无客，但去到一个女店员企在柜台，另一个扒在座位训到死咗咁！比较⋯怪😓去到柜台，比张团购劵店员睇，佢睇完面无表情咁问要边种，我讲咗佢去唧乳酪，之后肥髀拣topping，加咗一种配料，交收收钱都系无起伏嘅语气加木无表情（虽然只系两句对答）都系坐返埋位吧了Regular($38)+Topping($7)纸榚内几圈白雪雪嘅乳酪，酸味为主，几滑身微甜，上面洒咗糖碎，同椰果，糖碎七彩缤纷，味道好甜，夹乳酪雪榚食都ok，椰果烟韧！好QQ!整体好味！减了团购劵$42，补$3就可以，可以八达通比钱！其实环境同食物都好，只系⋯⋯一个无表情嘅店员，加一个训觉中嘅店员，店又好静，气氛好古怪😓我哋走时，肥髀同企在柜台嘅店员讲再见，佢都完全零反应！讲真少客都都比番基本服务吖！