影片
更多
2010-10-08
13 浏览
今日行旺角，一早决定左食乌冬，于是选择左旺角哩间江川手打乌冬；其实o系尖沙咀果间都食过几次，觉得几ok，而旺角哩间又成日见人排队，就谂住试下！去到都差唔多9点，今日几好彩唔洗排队，一去到就有位一入到去，就觉得同尖沙咀果间有ｄ分别，ｄ位好迫下，而且好焗，坐得唔系好舒服；一坐低，有个男仔侍应立即过黎斟茶，行动好快，男友同佢讲，我地想饮冻水，佢已经斟左一杯茶，立即笑笑口答，冇问题，然后好快就比左两杯冻水我地。哩样抵赞！打开餐牌，两间分店既餐牌一样，都系劲多招牌汤底，值得一提既系，本人有味精过敏症，曾经ｏ系尖沙咀果间问过佢地ｄ汤有冇落味精，（因为落左味精，我就真系唔饮得！）当时尖沙咀既主管（或者系经理）立即好认真同我讲，佢去厨房问一问确定一下，结果系有落鸡粉，冇落味精，于是我就对哩间店几有好感啦，因为佢ｄ汤真系几好味，唔饮得就ｏ徒左。今晚叫左面豉猪骨汤乌冬配汉堡扒 同埋 新出既日本汤乌冬+鳗鱼柳川锅 仲有焗田螺、可乐同雀柠。落单果时同侍应提左3次，所有乌冬都走葱，佢亦都应左；点知，第一碗乌冬一黎，已经好多葱… 唯有同佢讲返啦，个侍应一见到，就唔系好愿意咁，好似想我地啃左佢！！犹豫左３０秒，先话
去到都差唔多9点，今日几好彩唔洗排队，一去到就有位
一入到去，就觉得同尖沙咀果间有ｄ分别，ｄ位好迫下，而且好焗，坐得唔系好舒服；一坐低，有个男仔侍应立即过黎斟茶，行动好快，男友同佢讲，我地想饮冻水，佢已经斟左一杯茶，立即笑笑口答，冇问题，然后好快就比左两杯冻水我地。哩样抵赞！
打开餐牌，两间分店既餐牌一样，都系劲多招牌汤底，值得一提既系，本人有味精过敏症，曾经ｏ系尖沙咀果间问过佢地ｄ汤有冇落味精，（因为落左味精，我就真系唔饮得！）当时尖沙咀既主管（或者系经理）立即好认真同我讲，佢去厨房问一问确定一下，结果系有落鸡粉，冇落味精，于是我就对哩间店几有好感啦，因为佢ｄ汤真系几好味，唔饮得就ｏ徒左。
今晚叫左面豉猪骨汤乌冬配汉堡扒 同埋 新出既日本汤乌冬+鳗鱼柳川锅 仲有焗田螺、可乐同雀柠。
落单果时同侍应提左3次，所有乌冬都走葱，佢亦都应左；点知，第一碗乌冬一黎，已经好多葱… 唯有同佢讲返啦，个侍应一见到，就唔系好愿意咁，好似想我地啃左佢！！犹豫左３０秒，先话同我地换！！
跟住汉堡扒黎左…哗！！有咩可能差咁远架？！ ｏ系尖沙咀果间，哩个菜我次次都会点，因为够厚又juice，虽然唔系好大件，但都好好味，点知哩间分店，果件汉堡薄到好似阿妈蒸果ｄ肉饼咁，仲要爆细件！！！
跟住男友叫既日本汤乌冬都黎左，大佬，系人都知日本汤系甜汤黎，但佢果碗，甜到好似糖水咁，真系甜到好假，饮一啖都”涸”喉，哩间店最出名系汤底，但汤底搞成咁，系咪自己拆自己招牌？！果个新出鳗鱼锅，张相就靓啦，黎到ｄ鳗鱼得３小片，仲细件过一件正常鳗鱼寿司上面果片，下面ｄ蛋好油好漏，总之真系唔好食．．．
焗田螺黎埋，薯蓉份量多得有惊喜，可惜有ｄ怪味…搞到我同男友食左１／４都冇，就唔敢食落去，而田螺味道都算ｏｋ，不过整体都唔合格啰。
成餐食完，心情差到连可乐都唔饮啦，觉得好失望，明明旺角分店就一向都好多人排队，但质素点会同尖沙咀果间差咁远？
唯一拎返少少分系ｄ服务，食到一半，觉得真系好焗，同个疑似经理既先生讲左，好快就派人开返冷气，可惜食店既食物唔掂，真系服务几好都冇用
埋单$152，ｓｏｒｒｙ，真系唔想比ｔｉｐｓ。
张贴
