影片
更多
2012-12-11
201 浏览
我从来未试过写食评, 但系昨晚经历之后, 真系气愤难平!!!!! 枫林小馆, 久闻多时, 昨晚一试之下, 闻名不如见面.............................. 七点准时到达, 等几分钟后如常入坐, 环景尚算可以!看过菜牌, 点了:招牌红烧乳鸽 两只南乳粗斋煲蒜蓉炒豆苗煎封酿豆腐葱油手撕鸡柚皮炆鹅掌下单时侯大约是19:15, 然后恶梦开始..............................15分钟后, 点解邻桌比我地迟到及迟落单, 红烧乳鸽先行奉上????? 大惑不解........... 唯有等..............................等了30分钟, 再三催促下, 我们的菜终于到........... 但先来的是, 蒜蓉炒豆苗................ 算, 肚饿, 开始满心期待既晚餐, 点知..............................碟豆苗居然唔热之外, 重要非常多油............... 自问唔系乜野健康饮食支持者, 但系哩碟唔热既"蒜蓉"油浸"豆苗"真系啃唔落.......................
枫林小馆, 久闻多时, 昨晚一试之下, 闻名不如见面..............................
七点准时到达, 等几分钟后如常入坐, 环景尚算可以!
看过菜牌, 点了:
招牌红烧乳鸽 两只
南乳粗斋煲
蒜蓉炒豆苗
煎封酿豆腐
葱油手撕鸡
柚皮炆鹅掌
下单时侯大约是19:15, 然后恶梦开始..............................
15分钟后, 点解邻桌比我地迟到及迟落单, 红烧乳鸽先行奉上????? 大惑不解........... 唯有等..............................
等了30分钟, 再三催促下, 我们的菜终于到........... 但先来的是, 蒜蓉炒豆苗................ 算, 肚饿, 开始满心期待既晚餐, 点知..............................
碟豆苗居然唔热之外, 重要非常多油............... 自问唔系乜野健康饮食支持者, 但系哩碟唔热既"蒜蓉"油浸"豆苗"真系啃唔落.............................. 之前食评话乜野"质感幼嫩，水准之作"........... 再等.......................
10分钟后, 葱油手丝鸡到!!!
一上台, 见到上面居然打左个浓浓既献, 心头一凉......
葱油手丝鸡D葱油哩?????????????
确定系葱油手撕鸡唔系金华玉树鸡之后, 唯有照食!
一入口, 热唔热, 冻唔冻................ 因为个汁系暖, D鸡系冻...................
另外手撕到好似件件用刀斩咁, 重要系连骨.......... 我真系做几十年人都未见过................
近排香港各区街头巷尾买到既手撕鸡, 个人认为绝对将哩碟"浆糊"刀斩"手撕鸡"比下去............................ 好, 我再等!
草草吃罢, 又等15分后, 大概20:15, 柚皮炆鹅掌及煎封酿豆腐先后到达!!!!
一望碟鹅掌, 个心真系"DO"一声!!!!!!!!!!!!!!!!
哩兜乜黎架??????????????????????
连加一超过二百大元, 哩兜野有六只"类似鹅掌" 同两块大小如"八达通", 厚薄应该唔超过5mm既柚皮, 上面又系打左个浓浓既献......................
何解会系"类似鹅掌"???? 因为哩六件"白雪雪"既野, 外表残缺不全, 我第一印象系"Bio Hazard"同"腐烂既标本"!
事实就应该系因为想悭时间, 鹅掌分开先用盐水煲至淋及烂, 再系上面放两块预先炆好既柚皮仔, 入蒸柜加热后再打个献..................
斋睇D"类似鹅掌"已经连试都唔想试, 怕小命不保............ 放弃......
再睇另一碟"煎封酿豆腐"! 终于有一碟系似D样同系热既, 咁立即叫白饭!!!!
系等白饭期间, 由于真系肚饿, 各人都等唔切啦....... 开动!
一食之下, 对上个食评唔系话"外皮弄得香脆，豆腐质感佳豆味极浓!接近完美"......................... 我会话"淡而无味"!!!!
加一之后索价超过一百大元既八件豆腐, 我居然觉得比唔上街边"十蚊四件"既煎酿三宝........... 想点????? 我太市井???
但系因为饿, 食下等下之祭, 食清光........ 等等, D 白饭哩??????
望下表, 唔对路, 20:35, 仲有乳鸽, 白饭同埋斋煲未上, 咁落去咪返唔彻屋企睇"决战一分钟"!!!!!!
唯有不厌其烦咁再三催促!!!!!!! 快!!!!!!
20:45, 南乳粗斋煲终于到........ 搞乜呀!!!!!!! 份量会唔会太少哩????????????
一个正常例牌砂窝, 份量连汁先得三份一煲............南乳粗斋煲但系白色, 好野!!!!
里面真系数得出有D乜........ 分别有白菜苗六小条, 甘荀花两片, 雪耳三小旧, 罐头草菰四边同埋粉丝小量............. 如果好食, 我一个人食两煲都绝对冇问题, 可惜到后尾居然有得净, 美味程度可想而知........
再追下D白饭, 五分钟后到喇!!!!! 此时各人已经对乳鸽绝望, 首先真系等到意兴阑珊, 同埋见到旁边迟来先上岸既乳鸽 几近焦黑...... 唔黎就算....................
极度失望下, 埋单了事......... 而埋单前亦再三叮瞩乳鸽系冇黎到, 但系当单到时照样将乳鸽价钱加落总数!!!!!!
好在心水清, 一计点会千二蚊........ 又10分钟后, 正确帐单先改好..........
埋单总数$890, 我相信有生之年应该唔会再帮衬, 除非我个脑坏...........
埋单后,再去"强记"重头食一次同睇"决战一分钟", 唔系真系气难下!!!!!!!!!
点都唔明哩间酒家点解可以生存到今日........... 重话米之莲.......... 普通一个周日晚上就混乱如此......... 食物质素欠佳........ 员工态度恶劣........... 好快应该又一间老牌食店结业........... 不过今次系咎由自取, 与地产霸权无关!!!
想挑战自我忍耐力既朋友, 不妨一试!!!!!!!!!!
P.S. 话说邻桌A食完D野差碗鸡粥, 系等45 分钟后再三询问下, 得到答案系"鸡粥我地系无一碗咖, 乜无人话你知咩?"................
张贴