更多
2022-07-19
802 浏览
夜晚九点想揾地方食嘢,经过呢间冰室谂住入去捧下场。本身拣咗个位因为太大冷气所以未坐低之前就转一转另一边嘅卡位,礼貌地同职员讲一声,然后有一位职员就”提醒”我哋:坐低咗就冇得转位㗎啦!我哋就话明白嘅明白嘅,3个人坐低咗叫餐,叫咗咕噜肉、酸菜鱼、薯仔牛柳粒。叫汤嘅时候,怕佢落错单所以重复咗讲多一次:要罗宋汤啊唔该。于是有一个唔知系老板定系职员嘅人态度不友善地:系呀头先咪讲咗啰你•食物方面,酸菜鱼佢嘅鱼几滑,但系汤底偏咸。咕噜肉都还可以,味道几好味。薯仔牛柳粒,牛柳就唔系咁靓,味道一般。•整体而言唔会再去食,其实我哋都系想餐饭姐,唔该前唔该后,冇谂住好似受气咁,态度真系差到一个点。
张贴