影片
更多
2012-09-11
126 浏览
今日LUNCH HOUR见闷闷地, 唔叫外卖, 落街买o野食顺便行下... 行行下见到呢间墨西哥快餐劲多人, 铺仔细细坐咗接近20人... 讲真, 我见佢放得2张企枱, 冇念过可以坐到咁多人, 念住佢都系主力做外卖生意嘅啫... 大热天气D人都肯坐系街度, 唔通真系咁好食? 我买咗1个"墨西哥手卷套餐" (Burrito Combo)... 包一款墨西哥手卷(自选肉类或素), 粟米脆片配莎莎酱 (Tortilla Chips with Salsa), 细汽水... 哗... 大拿拿59蚊都咁多人食??? 唔通真系好好食??? 自选肉类有烧汁鸡脾肉, 烧牛肉粒, 烤猪肉, 香汁猪柳... 我拣咗烤猪肉... 汽水有可口可乐, 健怡可乐, 雪碧, 梳打水... 我拣咗梳打水... 墨西哥手卷系用面粉薄饼包住墨西哥饭, 班豆蓉, 芫茜, 洋葱粒, 莎莎酱... 坦白讲, 我见到佢竟然叮个墨西哥手卷个一刻, 个心已经凉一凉, 咁贵嘅食物, 竟然系叮出黎嘅??? 再者, 墨西哥饭原来系茄汁饭, 可惜冇茄汁味, 仲要淋啤啤...食唔出有班豆蓉, 几蚊1大包嘅雪藏青豆就见到几粒...更唔觉有莎莎酱系
今日LUNCH HOUR见闷闷地, 唔叫外卖, 落街买o野食顺便行下... 行行下见到呢间墨西哥快餐劲多人, 铺仔细细坐咗接近20人... 讲真, 我见佢放得2张企枱, 冇念过可以坐到咁多人, 念住佢都系主力做外卖生意嘅啫... 大热天气D人都肯坐系街度, 唔通真系咁好食?我买咗1个"墨西哥手卷套餐" (Burrito Combo)... 包一款墨西哥手卷(自选肉类或素), 粟米脆片配莎莎酱 (Tortilla Chips with Salsa), 细汽水... 哗... 大拿拿59蚊都咁多人食??? 唔通真系好好食???
自选肉类有烧汁鸡脾肉, 烧牛肉粒, 烤猪肉, 香汁猪柳... 我拣咗烤猪肉...
汽水有可口可乐, 健怡可乐, 雪碧, 梳打水... 我拣咗梳打水...
墨西哥手卷系用面粉薄饼包住墨西哥饭, 班豆蓉, 芫茜, 洋葱粒, 莎莎酱... 坦白讲, 我见到佢竟然叮个墨西哥手卷个一刻, 个心已经凉一凉, 咁贵嘅食物, 竟然系叮出黎嘅??? 再者, 墨西哥饭原来系茄汁饭, 可惜冇茄汁味, 仲要淋啤啤...
食唔出有班豆蓉, 几蚊1大包嘅雪藏青豆就见到几粒...
更唔觉有莎莎酱系入面...
个烤猪肉好似干柴咁, 冇味嘅...
粟米脆片油淋淋, 虽然个莎莎酱几治味, 但食咗3份1都唔想再食...
梳打水比蒸馏水更清纯...
又贵又唔好食又坐得唔舒服, 究竟点解可以有咁多人去食o架? 仲有好多唔同国籍嘅人食紧同排紧队...
可能系情意结...
等候期间听到D外籍人士话系NEW YORK果时成日食, 好耐冇食过... 嗯... 回忆中嘅食物永远系最好食嘅, 呢一点我好同意...
张贴
