富東閣海鮮酒家 (已結業)

之前去过呢一间嘅沥源分店，觉得都唔错，不过𠮶时都觉得啲肠粉点解咁难食，成浸奶味，今日再嚟呢间喺耀安嘅分店，我之前一直都冇嚟过。入到去冇人同我哋排位，我哋入去揾位， 见到个舖头啲人，之后佢同我哋一路行一路揾位咁。见到都好多一个人坐四人枱𠮶啲，就觉得 特别嬲啰，搞到我哋依啲四人客，又冇位坐， 不过算喇可能都系舖头嘅风气，唔太关啲客事。几经辛苦揾到位 (同人搭枱之后)， 我坐低拉张凳出嚟𠮶下望到个地下 ，真系 污糟到 冇晒食欲呀。嗌咗两个孖宝， 肠粉，同埋一啲炸嘢食。 我觉得炸嘢食都系照旧唔错: 嗌咗家乡煎薄饼同埋𠮶个沙律炸云吞。 嗌咗个个皮蛋瘦肉粥，都唔错，有类似炸云吞d皮𠮶啲碎片畀埋。 个鸡饭我记得啲鸡好似 麻麻地 。个虾肠粉真系最难食， 我都想继续食落去呀 ，但系𠮶种奶味呀真系越嚟越难受，我真系从来都未食过一间酒楼啲肠粉喺咁大阵奶味，咁奇怪，咁难食呀。 最后我净系食咗入面粒虾，而啲肠粉皮系最大浸难食嘅味， 我就冇食到 。我真系呢一世都唔会再食呢间酒楼嘅任何肠粉。