樂景快餐店 (已結業)

打风日, 难得闲在家中休息一下, 亦乘机睇下其他食家有咩好推介, 咁啱冇意间睇左食家"失败者"几篇留言, 师傅觉得可以一试, 于是决定昨日去试一试先!一放饭师傅已经好有目标咁向目的地出发, 其实未去到师傅已经知道呢间食店地方好细, 不过亦无损师傅兴致, 入到食店睇左一阵, 师傅就柯打左个杂扒饭, 再加一个芝士汉堡堂食! 个阿叔覆番系一个鸳鸯扒餐, 一个芝士汉堡, 再问师傅饮咩餐饮, 咁师傅就拣左汽水!师傅不以为言, 继续慢慢等; 等左都几耐, 冇办法啦即叫即整系要等下; 点知出到黎个样令师傅觉得诧异, 皆因个鸳鸯扒餐除左有鸳鸯扒, 仲有热狗同薯条, 反而饭都冇啖; 再睇下d外卖纸终于发现个鸳鸯扒餐原来系有呢d野食; 有少少失落啦, 唯有硬著头皮硬食两个包啦!好先讲下个鸳鸯扒餐, 鸳鸯扒有牛扒同猪扒, 牛扒就比较干身, 韧左少少; 而猪扒反而够松够腍够入味, 都几好味; 而热狗个包就比较干身, 但松软, 沙律酱唔多够, 所以口感一般, 肠仔就唔算太咸, 都几好味; 薯条系即叫即炸, 不过炸得好干身, 而且几硬, 唔多好味; 而芝士汉堡个包系好松软, 芝士有一块不过系未溶, 而汉堡扒就好香