鈴木珈啡館 (已結業)

即兴买飞睇「百灵顿小熊」，离开场只有一个小时，带住三只马骝又想食啲嘢！戏院内有间餐厅都系一个方便选择！其实系戏院一角围起做餐厅，门口开扬，好光猛，店内装修别致，尤其喜欢树形装饰！家私浅木为主！好简洁清新！两点几，唔爆场，不过有啲枱未执，店员见我在门口！即刻快快执张卡位比我！卡位阔落好坐！食物以日式意粉为主，快速落好单等嘢食！店员就比餐具同热水（真系热到辣手，其实有小朋友都唔好咁热，暖水ok）食物超快到齐！（落单唔够10分钟到齐）但沙律都未食完，你比两个忌廉汁意粉我，食得沙律意粉都冻喇！（忌廉汁一冻就变浆糊）烟三文鱼香芒沙律：卖相唔错，罗马菜较老，少许火箭菜，芒果好酸，酱汁系柚子酱（即系平时冲柚子蜜嘅酱）味道配搭都可以，但面头嘅三文鱼就几腥！唔新鲜！ 海胆珍珠带子拌忌廉汁乌冬：乌冬滑溜弹牙，忌廉汁香滑，蟹籽卜卜脆，可惜比一团好腥嘅海胆破坏晒（味道好压）我连紫苏叶一齐食都压唔住啲腥味，差黑松露巴马火腿蛋黄汁意粉：意粉弹牙有咬口，黑松露忌廉汁香夹滑，捞埋半生熟蛋就更滑！可惜巴马火腿薄身，味道咸香但较韧！失色！食物其实正常，但唔知点解放响面嘅主题都系唔好味道！尤其个海胆，腥得好紧要，好压！如果