麵鮮醬油房周月 (景隆街) (已結業)

我唔俾好评原因唔系因为好难食，而系我真心觉得呢间嘢真系真系吹大咗，有啲啲名过于实。我今次食咗佢嘅周月沾面，面份量要咗100g，大约系大半碗嘅份量，正常份量系200g, 大食嘅可以叫300g。其实佢个面本身系整得唔错，又弹牙又挂到汁，溏心蛋都好食。但系个沾面汁真系好麻麻地。我本身口味并唔系清淡派，钟意食沾面好大嘅原因系钟意𠮶个浓浓嘅鱼介豚汁。但浓味唔等于死咸。好可惜系佢个沾面汁入面嘅豚肉真系咸到飞起，口感又鞋又干。明明已经系肥猪肉又浸系个汁入面点解口感可以咁差？个汁本身系食到好香鱼介味同少少酸味嘅，但真系唔系我食过数一数二好食嘅沾面。可能我期望太大啦，食完真系有少少失望。