林昌記 (已結業)

其实林昌记我食咗好多次架喇～一直都想写佢，但次次都挂住食无影相～觉得佢啲鱼旦弹牙好味～加埋佢特别调制嘅辣椒油更加好味～辣椒油任你加几多都得～我就加好多嘅～仲间中出啲新款食物～好似有个牛魔王我好钟意食架，手打牛丸好鬼弹牙仲爆汁添～仲有手打海鲜炸角我好多时都食架，虾味好出，亦都好弹牙～仲有虾籽炒面～朋友劲钟意食～我哋每次都必叫呢几款嘅～不过隔咗好耐无去了～今次嚟就系谂住影多啲靓相写好佢点知已经再唔系从前咁喇～我去到例排叫鱼旦，但鱼旦带有腥味...而辣椒汁亦都唔系以前咁好食...想叫虾籽炒面都无....完全失晒水准...点解会咁嘅...希望只系今次咁啦...