影片
更多
2010-08-24
4 浏览
见呢间野开左咁耐, 又有咁多好评, 今日约左老公黎旺角试下....老公先到, 拣左一个比较有自己空间0既角落坐低, 但可能个位比较暗, 好多野飞黎飞去, 感觉好污糟....我去到, 调左去另一张比较光0既枱, 起码冇昆虫先啦.... 不过攞起张餐牌, 真系超超超超笠啰, 只手指好唔想掂落去....我地两个人叫左几样野:酸辣汤拉面 - 系老公响翡翠0既至爱, 呢度逊色D系预左, 价钱都平一半啦, 不过, 又真系好麻麻, 面系黄色0既油面, 唔系拉面0既?....担担面 - 我唔系一个钟意浓味0既人, 但都觉得超淡, 冇辣味, 冇麻酱味, 可取的只系D面系我钟意0既幼面小笼包 - 系我第一样野谂到要点0既, 因为记得有食评话过必点, 我怀疑....系咪我睇错呢? 系必唔点, 唔系必点啰应该.... 皮厚到不得了, 肉就冇咩事, 但D汤竟然系冇味0既, 我真系第一次食到.... 我只食左一只, 冇兴趣再食落去...豆浆 - 都系冇乜味啦, 唔想再批评咁多0刺....
老公先到, 拣左一个比较有自己空间0既角落坐低, 但可能个位比较暗, 好多野飞黎飞去, 感觉好污糟....
我去到, 调左去另一张比较光0既枱, 起码冇昆虫先啦.... 不过攞起张餐牌, 真系超超超超笠啰, 只手指好唔想掂落去....
我地两个人叫左几样野:
酸辣汤拉面 - 系老公响翡翠0既至爱, 呢度逊色D系预左, 价钱都平一半啦, 不过, 又真系好麻麻, 面系黄色0既油面, 唔系拉面0既?....
担担面 - 我唔系一个钟意浓味0既人, 但都觉得超淡, 冇辣味, 冇麻酱味, 可取的只系D面系我钟意0既幼面
小笼包 - 系我第一样野谂到要点0既, 因为记得有食评话过必点, 我怀疑....系咪我睇错呢? 系必唔点, 唔系必点啰应该.... 皮厚到不得了, 肉就冇咩事, 但D汤竟然系冇味0既, 我真系第一次食到.... 我只食左一只, 冇兴趣再食落去...
豆浆 - 都系冇乜味啦, 唔想再批评咁多0刺....
张贴