正斗粥麵專家 (景光街)

营业中

休息中

以前正斗系其中一间最钟意去嘅粥面店，今日见打风，于是叫外卖。总共叫咗两个粥，一个炸両，萝卜糕，爽脆鱼皮，牛腩捞面。一打开盒鱼皮先吓咗一跳，里面大嘅只有六片，咁就收咗我$90，贵唔重要，最惨系难食，重要呢味原本系冻食嘅鱼皮，因为摆咗喺两碗粥中间变咗热食。重有就系个炸両，里面条油炸鬼都唔知系唔系琴日卖剩嘅，味道怪怪兼硬晒，豉油咸到飞起，有怪味。艇仔粥味道还可以，但配料之中嘅瘦肉有怪味，应该系唔新鲜所致。又一间以后唔会去嘅老店。