新澳咖啡餐室 (民泰街) (已結業)

好唔容易等到星期日有假放，终于可以同老公周围去下，今日揸车嚟到红磡民泰街，呢条街出名多嘢食，谂住泊好车是但入一间实无死啦，有见到呢间门口咁多人，等左10分钟就入到新澳啦。叫得新澳我自然会将佢同澳洲牛奶公司比较，咁澳牛最出色系咩？当然系佢个常餐啦，所以我就order咗个常餐试吓啦。蒜蓉包都几够味，不过块多士就林晒啦，炒蛋亦都有好香嘅牛油味，不过讲滑度同埋蛋香同澳牛就争好远喇鲜牛肉意粉，我未食过有一间餐厅嘅鲜牛肉系白烚㗎，我想讲佢系完全冇味用清水白烚，真系好差好难食冻咖啡叫咗少甜都好甜老公叫咗肉丝炒面，咦反而啲炒野好出色㖞！新鲜热辣出来，啲面仲要好脆！肉丝炒面真系帮佢救翻唔少分！不过我唔会嚟食第二次啰