影片
更多
2006-10-23
29 浏览
今日0系斜对面饮完茶,谂住过黎买茶果当甜品,点知比我听到有人叫狗仔粉,呢个系我儿时0既最爱,而家市面上卖0既...味道唔正宗不特止,仲要系用银针粉或者乌冬扮0既,见到个"办"系真野,梗系即刻整番碗啦!狗仔粉($8)真系人手搓成,条条/粒粒都唔同样,质地软软粉粉咁,汤底有干葱同劲虾米香味,再加埋胡椒粉同佢地自制辣菜甫,完全系细个食0既味道,即时有d感动落泪0既冲动,所以话食味同人0既记忆系相连0既!当然我都无忘记到黎0既原意,虽然超饱,但都买左个黑芝麻茶果($3)试下,最重要系佢蒸住卖,所以又热又软熟,黑芝麻味不算超浓,甜味亦恰当,0岩晒我钟意较清0既口味!我听到佢地同街坊讲客家话,可能因为佢地系真系客家人,所以食物做法正宗!估唔到今日特意造访此大埔综合大楼0既熟食市场,最大惊喜竟然系同"故友"重逢,心情大喜呀!
狗仔粉($8)真系人手搓成,条条/粒粒都唔同样,质地软软粉粉咁,汤底有干葱同劲虾米香味,再加埋胡椒粉同佢地自制辣菜甫,完全系细个食0既味道,即时有d感动落泪0既冲动,所以话食味同人0既记忆系相连0既!
当然我都无忘记到黎0既原意,虽然超饱,但都买左个黑芝麻茶果($3)试下,最重要系佢蒸住卖,所以又热又软熟,黑芝麻味不算超浓,甜味亦恰当,0岩晒我钟意较清0既口味!
我听到佢地同街坊讲客家话,可能因为佢地系真系客家人,所以食物做法正宗!
估唔到今日特意造访此大埔综合大楼0既熟食市场,最大惊喜竟然系同"故友"重逢,心情大喜呀!
张贴